.jpg)
بين الصدمة الشك و الخيانة ما بقيت عارفة ما ندير مع هاد السيد لطحت معاه
بين الصدمة الشك و الخيانة ما بقيت عارفة ما ندير مع هاد السيد لطحت معاه
السلام عليكم عافكوم انا عندي مشكل و بغيتكوم تعاونوني انا حنان
22 سنة المهم هادي 3 اشهر تعرفت على واحد شاب مقيم بالخارج عندو 36 سنة و
من ثاني مرة هدرنا اقترح عليا فكرة الزواج قولتلو اوكي هاحنا كنتعارفو و
انا ديك الفترة ما كنتش كنفكر فالزواج المهم بقينا كنهدرو كل نهار هنا بديت
كنتعلق بيه كتر و كتر خصوصا فاش كنا كنهدرو على التفاصيل د حياتنا و كيفاش
غدي نعيشو و ناقشنا تقريبا كل التفاصيل من الخطبة و العرس حتى لحياتنا بعد
ما يتزوجو ولادنا و للي ريحني كثر السن ديالو قولت هادا بعقلوووو
وتعرفت على اختو و راجلها للي حتا هما مقيمين تماك و قالولي بللي
عجبتهوم اللمهم هو غادي يجي فالتالي د هاد الشهر و قللي بللي قالها لدارهوم
،حتى لهنا مكينش مشكل ولكن مأخرا بغيت نجربو و درت حساب جديد فالفيسبوك
فيه معلومات غالطين مع صور د شي وحدة ماشي صور خايبة ولكن مولاتهوم باينا
كوووول اللهم صفتلو دعوة كنت باغا نعرف غي واش يقبلها ولّلا جا هو قبلها
فديك اللحظة كنا كنهدرو فيديو و بديت الهدرة معاه من الحساب لاخور و تجاوب
معايا و فاش سولت معامن كتهدر قللي مع العائلة و نهار لي بعدو سولتو على
شكون هديك و واش هدرتي معاها قللي مكنعرفهاش وحلف بللي عمرو هدر معاها و
ديك ساعة كنت كنهدر معاه حتى من الحساب لاخور هنا بدا المشكل قولتلو مللي
مكتعرفهاش مسحها و هنا رجعنا لمسألة الثقة والسواس و….
صرآحة ما عرفت ما ندير واش نواجهو بللي انا ديك اللي كيهدر من الحساب لاخور؟
وللا نصبر حتى يجي و نشوف شنو كاين؟
ولكن كنخاف لاحتى الى تزوجنا يبقى يخوني المشكل فخبار دارنا غادي
يجي و فايت هدر مع ماما دابا فقدت التقة فيه و فراسي عافكوم عاونوني و
سمحولي على الاطالة
مصدر المشكل مطروح في الصفحة الرسمية للموقع عبر الفيسبوك
