.jpg)
عاونوني الله يخليكم على وجه بناتي لي كنربي وحدي
عاونوني الله يخليكم على وجه بناتي لي كنربي وحدي
.السلام عليكم ،مشكلتي اني وليت عصبيه بزآاف باش نشرح ليكم
وتفهموني انا عايشه فالخارج هادي 3 سنين ماكانخرجش بزاف حيت ماعنديش صحابات
بزاف هي وحده وساكنه بعيده علي كنشوفها مره مره راجلي كيقيل فالخدمه
ماكانشوفوه غير 3 ولا 4 سوايع فالنهار يعني كنقيل بوحدي مشكلتي الكبيره هما
بناتي كاع القهره و الغربه اللي حاسه بيهم كنفديها فيهم عندي وسواس ديال
النقا كنبغيهم ما يوسخو والو كلشي يبقا مقاد ما يديروش الصداع حيت اللي
ساكنين تحتنا تشكاو ليه منهم كيدردكو عليهم واهنا راكم عارفين هدره ولا 2
يجيبو بوليس المهم انا ماهامنيش هادشي بزاف ،اللي كيقهرني اني ضربي خايب
ملّي كنتعصب ماكانعرف فين تجي الدقه بنتي الكبيره وليت خايفه تعقد واخا
ماتكونش هي اللي دارت البساله كنبدى نغوت كتكمش وتخلع ولكن واخا هاكاك
صعيبه ماكاتهداش تقيل تضرب فختها الصغيره مع جاو متابعين نايضه عندي فالدار
الحرب و القتال وتال العام الجاي عاد غنقيدهم فالحضانه الحمد لله انهم
بجوج متعلقين فيّ ديما كيفضلوني على باباهم وكيبغيوني واخا كنحس راسي
ماكانعاملهمش مزيان ديما عندي إحساس اني ماناستاهلهمش ربي عطاني نعمه وانا
مامقدراهاش نهار كندربهم وملي ينعسو ونطل عليهم ونشوف الوجه الملائكي
ديالكم كنبقى نبكي ونقول ماعمري باقا نضربهم ولكن لغد ليه غير يديرو شي
حاجه تعصبني وننسى وبلا منحس نلقا راسي دربتهم ماعرفتش آش غندير كنتمنى
نلقى نصائح من ناس عندهم تجربه وللا تاهما عايشين فالخارج ولقاو حل لمشكله
التأقلم مع العيش فالخارج وشكراً
مصدر المشكل مطروح في الصفحة الرسمية للموقع عبر الفيسبوك
