.jpg)
مشكلتي مع راجلي ساعدوني محمقني و مهبلني و مصطيني بزاف
مشكلتي مع راجلي ساعدوني محمقني و مهبلني و مصطيني بزاف
قولو لي أشنو لمعمول؟؟؟؟؟
السلام عليكم أنا عندي مشكل و محتاجة نصائحم
أنا تعرفت على راجلي لمدة سنة و من بعد تزوجنا عن حب و اقتناع و
دام الزواج لمدة 3 سنوات وفي هذه المدة جاتنا الفكرة ديال الهجرة و دفعنا
الملف ديالنا و توفقنا و الأمور غادية كيف ما بغينا
الوقت اللي خرجت الفيزا ناضو عائلتو دارو مشاكل بزاف و ضغطو عليه
حتى تبدل 360 درجة في وقت وجيييز صافي ولا شخص عمري ما عرفتو و ماشي الشخص
اللي قبلت نتغرب على قبلو و نخلي العائلة و الخدمة و المركز و السيارة و
الرفاهية و نمشي لبلاد الغربة نبدا فيها من الصفر
المهم قلت ليه يالله نمشيو نقادو الأوراق و نرجعو دير لي بغيتي
على اساس نهرب من المشاكل و فعلا مشينا و بقينا شهرين ورجعت العلاقة بخير
حتى جاو اوراق الإقامة و رجعنا للمغرب غير وصل و قلبوه تاني و بدا إجراأت
الطلاق و طلقت من بعد 3 اشهر
بقا فيا الحال بزاف و تأزمت نفسيا لأني حسيت بالظلم و الحكرة و
الاف الأسئلة في راسي و علاش و كيفاش السبب اللي خلاه يوصل لهاد المستوى من
الكره ليا و حتى في حكم المحكمة فيه الطلاق من اجل خلافات الزوجة مع عائلة
الزوج والله اللي شاهد على معاملتي ليهم كيف كانت من جميع النواحي ولكن
الله اللي غادي ياخد الحق في الظالم.
انا دابة رجعت الغربة بوحدي و زايدين عليا الذكريات مرضوني و
بديت كن حس بالإكتئاب و ما بقيتش حاملة الناس ما بقيتش قادرة نعس غير نصلي
ونبكي و ندعي الله ياخد الحق في الظالمين
ما عرفتش كيفاش نخرج من هاد الأزمة واش نرجع للمغرب على الأقل نقرب لعائلتي رغم ان مجتمعنا ما يرحمش
الله يخليكم محتاجة لنصائحم و سامحوني إلى طولت عليكم
مصدر المشكل مطروح في الصفحة الرسمية للموقع عبر الفيسبوك
