غرائب وعجائب

تبرڭيڭ

معلومة تهمك

جمالك سيدتى

عاونوني الله يخليكم الحباب راه طبب بزاف

منشورات Unknown | |

عاونوني الله يخليكم الحباب راه طبب بزاف

السلام عليكم أنا فتاة عندي 24 عام،المشكل ديالي كنبغي ولد خالتي هاذي 5 سنين،و هو كيموت عليا،و كيحترمني و كيخاف عليا لأقصى درجة،و الحمد لله علاقتنا محترمة،هو كيعيش فمدينة بعيدة عليا و مكنشوفوش بعدياتنا بزاف حبنا بدا من صغر ، الدخل ديالو المادي متواضع لكون أن الخدمة ديالو مامستقراش،ولكن هذا ماشي مشكل لأن الرزق بيد الله،المشكل ديالنا هو أنه بغا يتقدم ليا،ولكن مُّو و خْوَاتَاتُو قباح،و منظنش أن مُّو غدا تقبل بموضوع زواجنا،و هاذ الشي كيبان ليا من تعاملها معايا،خاصة أنها كتجيني فحال إلا كتغير على ولادها.أنا ربي اللي عالم كنحاول نتعامل معاهم مزيان باش تكون العلاقة مزيانة ولكن بدون جدوى.و المشكل الثاني أنه طلب مني بعد الزواج نسكنو معاهم،أنا رفضت،كيطلب مني نڭوليه السبب مقدرتش نڭوليه،حيت كيما كان الحال هادوك دارهم أنا حَرْتْ،وكلَّ مرة كيبغي يدوي معا دارهم كنڭوليه يأجل الموضوع،مع العلم أنه كلشي فراس ماما،أُ هي موافقة عليه هو كشخص حيث ظريف و محترم،ولكن رافضة على قضية مُّو و خواتاتو،كاتڭول ليا وخَّا ڭاع يتزوجك و يسكنك بعيد عليهم غادي يخلقو ليك المشاكل أنا ما عرفتش آش ندير،خصوصاً أنه قرر أنه هاذ الشهر إنشاء الله يڭولها لدَارْهُمْ،حيث بغا علاقتنا تكون حلال ڭدام الله و ڭدام كل الناس،و حاجة خرى حتى بابا يقدر ما يوفقش على قبل الوضع المادي ديالو،مشكيلتي مشكيــــــــــــــــــــــــــــــــــــــــــــــــــــــــــــــــــــــــــــــــــــلة،أنا كنبغيه و هو اللي كنحلم نبني حياتي معاه،و حتى إلى قررت نوطى على قلبي و نڭوليه نهيو علاقتنا و ميجيش يخطبني حيث هذاك شي مستحيل منقدرش،نخاف يْطْرَى ليه شي حاجة،حيث معمروا خسر لي خاطري ولا قلل احترامي،و أي حلم ولا مشروع كيخططو في حياتو أنا فيه سمحوا لي الله يجازيكم بخير إلى طولت عليكم،راني محتاجة مساعدتكم في أقرب وقت،راني مكنشوفش النعاس متبخلوش عليا بآرائكم الله يجازيكم كل خير

مصدر المشكل مطروح في الصفحة الرسمية للموقع عبر الفيسبوك



منشور بقسم

مواضيع دات صلة وتهمك ايضا

Recent Posts Thumbnails Blogger Widget
;